Skip to main content

Recipe | Fried Bangus Sinigang

Nag-eenjoy talaga ako mag-shoot ng mga pagluluto ko at edit sabay upload. Hihihi.  Kung pwede ko lang pagkakitaan iyon e no?  Haaayy..
Anyway, sobrang hilig ko sa sinigang talaga. Kahit anong maasim, kaya ako nagkaroon ng acid reflux.  Kasi ba naman nung college pa lang ako, tinutungga ko na yung timpladong suka sa may Remedios tuwing bumibili ako ng inihaw na hotdog o kaya bbq.  Hahaha!  Tapos nilalantakan ko yung mga hilaw na mangga na nilalako sa kalsada o kapag may baon akong indian mango na pinitas namin sa bakuran. :p  Ayan tuloy.  Matagal-tagal din akong nagbawas sa maasim tapos maraming naging bawal sa akin na kainin kayo ako pumayat saglit, tapos naging kami ni AM, ayun, balik bilog. HAHAHA!
Dahil ayaw ni AM ng sinigang na bangus na pinakulo lang yung bangus, pinirito ko na lang mga iyon parang tochio style :)
Siyempre, mahilig akong magluto ng made-from-scratch.  Hindi talaga ako fan ng pre-made flavorings, mixes, at mas lalo na sa vetsin.  Gumagamit na lang ako nun kung wala ng choice talaga, lalo na't kapag hindi nakapamili ng sangkap (maliban sa vetsin, never ako gumamit non).
Sa recipe na ito, gumamit ako ng tunay na sampalok, yung maliliit.  Parating may tinda sa palengke namin non kaya ansaya lang magluto lagi ng sinigang :)  Para mas malasa yung sabaw o kung ano mang lutuin, lagi kong dinadamihan ng kamatis at sibuyas.
fried-bangus-sinigang-blog-photo
Ingredients:
1 bangus, ulo
rock salt
4-6 pcs kamatis, quartered
4-6 pcs sibuyas, quartered
Php 15-20 sampalok

1 tali ng kangkong leaves o mas marami kung gusto niyo
*sitaw, cut in 2 inches
*1 talong, diagonally sliced or whatever slice suits you
*puso ng saging, chopped, ibabad sa asin sa loob ng 5 minuto bago hugasan
1 medium-sized labanos, diagonally sliced
okra, sliced
green chili
4 cups water

For fried bangus:
Rock salt
Bangus cut crosswise
1 cup harina
1 tsp salt
1 tsp pepper
Ziploc bag
Oil

Procedure:
  1. Asinan yung bangus
  2. Heat pan, isalin ang mantika.
  3. Mix flour, salt and pepper sa Ziploc bag.
  4. Ilagay yung bangus pwera sa ulo.  Iyon kasi yung pampalasa sa sabaw.  Shake.
  5. Dust-off excess flour nung isda bago ito ipirito.  Hinaan yung apoy para hindi masunog yung harina.
  6. Baligtarin yung isda.
  7. Sa ibang kaldero, ilagay yung kamatis, sibuyas, ulo ng bangus, at tantsyahin yung dami ng rock salt.
  8. Lagyan ng 4 cups ng tubig.  Pakuluan.
  9. Ilagay ang sampalok at labanos.  Pwede rin namang pakuluan niyo muna yung sampalok, pigain, saka niyo ilagay yung mga kamatis, etc.  Kung ano mas okay sa inyong gawin, dun tayo. :)
  10. Ihango yung ulo ng bangus.
  11. Kapag malambot na yung sampalok, gamit ang strain, pigain yung katas nito habang binubuhusan niyo ng sabaw.
  12. Itapon yung sampalok.  Ibalik yung ulo ng bangus.
  13. Lagyan ng iba pang gulay na mayroon kayo tulad ng sitaw, talong, o puso ng saging.
  14. Once half-cooked, ilagay yung kangkong, green chili at okra.
  15. Tikman yung sabaw.  Dagdagan yung rock salt kapag kailangan.  Kapag sobrang maasim, dagdagan mo lang ng tubig at iadjust yung alat.
  16. Serve hot with rice.

For video recipe:

There were hits and misses on the video as I was too hungry when I was doing that.  Haha!  Enjoy!

Comments

Popular posts from this blog

Ang 'Dayo' at ang Buntis

Dayo yung term namin sa mga 'aswang' tapos 'dyaryo' yung tawag namin ni AM sa 'tiktik'.


Isa ako sa mga skeptic pagdating sa ganitong usapin kasi nga hangga't hindi ko pa nakikita o nararanasan, hindi ako maniniwala.

Matagal ko na sanang gustong i-share ito nung 1st trimester ko kasi, unfortunately, naranasan ko siya dito mismo sa bahay namin sa Cavite.
Gustuhin ko man siyang i-vlog ngayon at ikwento na lang ng diretso, kaso hindi ko kaya humarap sa camera phone ko na talagang inaatake ng anxiety.  Mas nagtitrigger kasi.  Pag sinusulat ko na lang mas nahihimasmasan ako.  Tsaka talking head lang din ang mangyayari, wala masyadong snippets of actual experience since mabilis ang mga pangyayari.
Hindi ko ito sinusulat o shi-ne-share ngayon sa inyo para maniwala kayo.  Gusto ko lang siyang i-share kasi baka mamaya isa ka pala sa mga nakaranas din o kaya, wala lang...trip mo lang magbasa ng mga ganitog klaseng kwento.  At tsaka personal experience ko ito while p…

Sciatica, Pamamanhid, Carpal Tunnel, Manas

Sciatica (sae.ya.tee.kuh)
May sciatica na ako dati pa prior to my pregnancy. 
Ano nga ba ito?  Ito yung naipit na sciatic nerve sa may pelvic area tapos hanggang paa yung discomfort niya.  Nagkakaroon ito ng madalas kapag nilalagay mo yung bigat mo sa isang side ng katawan mo.  In my case, sa left side ko.  
Remedy is to do stretching o kaya magpa-chiro, at dapat matutunan mo yung pag balanse ng katawan mo lalo na kapag nakatayo.  Nasa lifestyle din kasi.
E yung sa akin, napapansin ko na tuwing nagluluto ako, kanan gamit ko, so nakaangat yung right arm ko diba tapos yung weight e napupunta sa kaliwa.
Yung sa ibang cases naman, pagbuhat ng bag o anuman tapos madalas dun sa malakas na side niyo binubuhat kaya may tendency na malipat yung weight sa strong side mo...kaya major ipit ng ugat later.
Pumunta ako sa Karada last year sa may MOA para i-try ang chiro for the first time.  Nakaka-anxious siya kasi takot ako mabalian ng buto hahaha!  Pero after nila i-align yung axis ko at na-correc…

Bawal ang Pusa? :(

Sa mga nakakakilala sa akin, alam nilang mahilig talaga ako mag-alaga ng mga hamster, dogs, at lately pusa.
Nung bata pa kasi kami ng ate ko, may inampon kaming pusa.  Tinago namin siya sa loob ng Zesto box na binutasan namin.  Kaso, siyempre, mag-meow iyon kaya natuklasan din ng nanay namin kaya pinalayas.  Tapos nung college na yata ako non, may napulot akong kuting sa may Quirino Ave, papauwi pa lang ako non.  So sinakay ko pa siya sa bus hanggang sa hindi naman pumayag tatay ko na mag-alaga ako ng pusa since hindi pwede sa dorm, tapos ayaw niyang mag-alaga ng pusa.  Nilagay ko siya sa butas-butas na box at iniwan naman dun sa may Noveleta.  Huhuhuhu.  Sobrang guilty ko non.
Kaya never kaming nakapag-alaga ng pusa noon.  Aso, hamster, turtle yung mga naalagaan namin.  Mabaho daw kasi yung pusa.  E di kasi aware noon na kailangan ng litter box mga pusa para doon dumumi at magwiwi.
Tapos mga 2 years ago na, may napulot sila ate na pusa sa may puno ng santol namin.  Pinangalanan nami…